चौपाई
ēhi prakāra bala manahi dēkhāī. karihauom raghupati kathā suhāī..
byāsa ādi kabi puṃgava nānā. jinha sādara hari sujasa bakhānā..
carana kamala baṃdauom tinha kērē. puravahuom sakala manōratha mērē..
kali kē kabinha karauom paranāmā. jinha baranē raghupati guna grāmā..
jē prākṛta kabi parama sayānē. bhāṣāom jinha hari carita bakhānē..
bhaē jē ahahiṃ jē hōihahiṃ āgēṃ. pranavauom sabahiṃ kapaṭa saba tyāgēṃ..
hōhu prasanna dēhu baradānū. sādhu samāja bhaniti sanamānū..
jō prabaṃdha budha nahiṃ ādarahīṃ. sō śrama bādi bāla kabi karahīṃ..
kīrati bhaniti bhūti bhali sōī. surasari sama saba kahaom hita hōī..
rāma sukīrati bhaniti bhadēsā. asamaṃjasa asa mōhi aomdēsā..
tumharī kṛpā sulabha sōu mōrē. siani suhāvani ṭāṭa paṭōrē..

दोहा/सोरठा
sarala kabita kīrati bimala sōi ādarahiṃ sujāna.
sahaja bayara bisarāi ripu jō suni karahiṃ bakhāna..14ka..
sō na hōi binu bimala mati mōhi mati bala ati thōra.
karahu kṛpā hari jasa kahauom puni puni karauom nihōra..14kha..
kabi kōbida raghubara carita mānasa maṃju marāla.
bāla binaya suni suruci lakhi mōpara hōhu kṛpāla..14ga..
baṃdauom muni pada kaṃju rāmāyana jēhiṃ niramayau.
sakhara sukōmala maṃju dōṣa rahita dūṣana sahita..14gha..
baṃdauom cāriu bēda bhava bāridhi bōhita sarisa.
jinhahi na sapanēhuom khēda baranata raghubara bisada jasu..14ṅa..
baṃdauom bidhi pada rēnu bhava sāgara jēhi kīnha jahaom.
saṃta sudhā sasi dhēnu pragaṭē khala biṣa bārunī..14ca..
bibudha bipra budha graha carana baṃdi kahauom kara jōri.
hōi prasanna puravahu sakala maṃju manōratha mōri..14cha..