चौपाई
ēhi bidhi bāsara bītē cārī. rāmu nirakhi nara nāri sukhārī..
duhu samāja asi ruci mana māhīṃ. binu siya rāma phiraba bhala nāhīṃ..
sītā rāma saṃga banabāsū. kōṭi amarapura sarisa supāsū..
parihari lakhana rāmu baidēhī. jēhi gharu bhāva bāma bidhi tēhī..
dāhina daiu hōi jaba sabahī. rāma samīpa basia bana tabahī..
maṃdākini majjanu tihu kālā. rāma darasu muda maṃgala mālā..
aṭanu rāma giri bana tāpasa thala. asanu amia sama kaṃda mūla phala..
sukha samēta saṃbata dui sātā. pala sama hōhiṃ na janiahiṃ jātā..

दोहा/सोरठा
ēhi sukha jōga na lōga saba kahahiṃ kahāom asa bhāgu..
sahaja subhāyaom samāja duhu rāma carana anurāgu..280..