चौपाई
gīdha dēha taji dhari hari rupā. bhūṣana bahu paṭa pīta anūpā..
syāma gāta bisāla bhuja cārī. astuti karata nayana bhari bārī..

छंद
jaya rāma rūpa anūpa nirguna saguna guna prēraka sahī.
dasasīsa bāhu pracaṃḍa khaṃḍana caṃḍa sara maṃḍana mahī..
pāthōda gāta sarōja mukha rājīva āyata lōcanaṃ.
nita naumi rāmu kṛpāla bāhu bisāla bhava bhaya mōcanaṃ..1..
balamapramēyamanādimajamabyaktamēkamagōcaraṃ.
gōbiṃda gōpara dvaṃdvahara bigyānaghana dharanīdharaṃ..
jē rāma maṃtra japaṃta saṃta anaṃta jana mana raṃjanaṃ.
nita naumi rāma akāma priya kāmādi khala dala gaṃjanaṃ..2.
jēhi śruti niraṃjana brahma byāpaka biraja aja kahi gāvahīṃ..
kari dhyāna gyāna birāga jōga anēka muni jēhi pāvahīṃ..
sō pragaṭa karunā kaṃda sōbhā bṛṃda aga jaga mōhaī.
mama hṛdaya paṃkaja bhṛṃga aṃga anaṃga bahu chabi sōhaī..3..
jō agama sugama subhāva nirmala asama sama sītala sadā.
pasyaṃti jaṃ jōgī jatana kari karata mana gō basa sadā..
sō rāma ramā nivāsa saṃtata dāsa basa tribhuvana dhanī.
mama ura basau sō samana saṃsṛti jāsu kīrati pāvanī..4..

दोहा/सोरठा
abirala bhagati māgi bara gīdha gayau haridhāma.
tēhi kī kriyā jathōcita nija kara kīnhī rāma..32..