चौपाई
sura brahmādi siddha muni nānā. dēkhata rana nabha caḍhaē bimānā..
hamahū umā rahē tēhi saṃgā. dēkhata rāma carita rana raṃgā..
subhaṭa samara rasa duhu disi mātē. kapi jayasīla rāma bala tātē..
ēka ēka sana bhirahiṃ pacārahiṃ. ēkanha ēka mardi mahi pārahiṃ..
mārahiṃ kāṭahiṃ dharahiṃ pachārahiṃ. sīsa tōri sīsanha sana mārahiṃ..
udara bidārahiṃ bhujā upārahiṃ. gahi pada avani paṭaki bhaṭa ḍārahiṃ..
nisicara bhaṭa mahi gāḍahi bhālū. ūpara ḍhāri dēhiṃ bahu bālū..
bīra balimukha juddha biruddhē. dēkhiata bipula kāla janu kruddhē..

छंद
kruddhē kṛtāṃta samāna kapi tana stravata sōnita rājahīṃ.
mardahiṃ nisācara kaṭaka bhaṭa balavaṃta ghana jimi gājahīṃ..
mārahiṃ capēṭanhi ḍāṭi dātanha kāṭi lātanha mījahīṃ.
cikkarahiṃ markaṭa bhālu chala bala karahiṃ jēhiṃ khala chījahīṃ..
dhari gāla phārahiṃ ura bidārahiṃ gala aomtāvari mēlahīṃ.
prahalādapati janu bibidha tanu dhari samara aṃgana khēlahīṃ..
dharu māru kāṭu pachāru ghōra girā gagana mahi bhari rahī.
jaya rāma jō tṛna tē kulisa kara kulisa tē kara tṛna sahī..

दोहा/सोरठा
nija dala bicalata dēkhēsi bīsa bhujāom dasa cāpa.
ratha caḍhai calēu dasānana phirahu phirahu kari dāpa..81..