चौपाई
taba muniṣa raghupati guna gāthā. kahē kachuka sādara khaganāthā..
brahmagyāna rata muni bigyāni. mōhi parama adhikārī jānī..
lāgē karana brahma upadēsā. aja advēta aguna hṛdayēsā..
akala anīha anāma arupā. anubhava gamya akhaṃḍa anūpā..
mana gōtīta amala abināsī. nirbikāra niravadhi sukha rāsī..
sō taiṃ tāhi tōhi nahiṃ bhēdā. bāri bīci iva gāvahi bēdā..
bibidha bhāomti mōhi muni samujhāvā. nirguna mata mama hṛdayaom na āvā..
puni maiṃ kahēuom nāi pada sīsā. saguna upāsana kahahu munīsā..
rāma bhagati jala mama mana mīnā. kimi bilagāi munīsa prabīnā..
sōi upadēsa kahahu kari dāyā. nija nayananhi dēkhauṃ raghurāyā..
bhari lōcana bilōki avadhēsā. taba sunihauom nirguna upadēsā..
muni puni kahi harikathā anūpā. khaṃḍi saguna mata aguna nirūpā..
taba maiṃ nirguna mata kara dūrī. saguna nirūpauom kari haṭha bhūrī..
uttara pratiuttara maiṃ kīnhā. muni tana bhaē krōdha kē cīnhā..
sunu prabhu bahuta avagyā kiēom. upaja krōdha gyāninha kē hiēom..
ati saṃgharaṣana jauṃ kara kōī. anala pragaṭa caṃdana tē hōī..

दोहा/सोरठा
bāraṃbāra sakōpa muni karai nirupana gyāna.
maiṃ apanēṃ mana baiṭha taba karauom bibidha anumāna..111ka..
krōdha ki dvētabuddhi binu dvaita ki binu agyāna.
māyābasa parichinna jaḍa jīva ki īsa samāna..111kha..