8.1.67

चौपाई
kaha muni bihasi gūḍha mṛdu bānī. sutā tumhāri sakala guna khānī..
suṃdara sahaja susīla sayānī. nāma umā aṃbikā bhavānī..
saba lacchana saṃpanna kumārī. hōihi saṃtata piyahi piārī..
sadā acala ēhi kara ahivātā. ēhi tēṃ jasu paihahiṃ pitu mātā..
hōihi pūjya sakala jaga māhīṃ. ēhi sēvata kachu durlabha nāhīṃ..
ēhi kara nāmu sumiri saṃsārā. triya caḍhahahiṃ patibrata asidhārā..
saila sulacchana sutā tumhārī. sunahu jē aba avaguna dui cārī..
aguna amāna mātu pitu hīnā. udāsīna saba saṃsaya chīnā..

8.1.66

चौपाई
saritā saba punita jalu bahahīṃ. khaga mṛga madhupa sukhī saba rahahīṃ..
sahaja bayaru saba jīvanha tyāgā. giri para sakala karahiṃ anurāgā..
sōha saila girijā gṛha āēom. jimi janu rāmabhagati kē pāēom..
nita nūtana maṃgala gṛha tāsū. brahmādika gāvahiṃ jasu jāsū..
nārada samācāra saba pāē. kautukahīṃ giri gēha sidhāē..
sailarāja baḍa ādara kīnhā. pada pakhāri bara āsanu dīnhā..
nāri sahita muni pada siru nāvā. carana salila sabu bhavanu siṃcāvā..

8.1.65

चौपाई
samācāra saba saṃkara pāē. bīrabhadru kari kōpa paṭhāē..
jagya bidhaṃsa jāi tinha kīnhā. sakala suranha bidhivata phalu dīnhā..
bhē jagabidita daccha gati sōī. jasi kachu saṃbhu bimukha kai hōī..
yaha itihāsa sakala jaga jānī. tātē maiṃ saṃchēpa bakhānī..
satīṃ marata hari sana baru māgā. janama janama siva pada anurāgā..
tēhi kārana himagiri gṛha jāī. janamīṃ pārabatī tanu pāī..
jaba tēṃ umā saila gṛha jāīṃ. sakala siddhi saṃpati tahaom chāī..

8.1.64

चौपाई
sunahu sabhāsada sakala muniṃdā. kahī sunī jinha saṃkara niṃdā..
sō phalu turata lahaba saba kāhūom. bhalī bhāomti pachitāba pitāhūom..
saṃta saṃbhu śrīpati apabādā. sunia jahāom tahaom asi marajādā..
kāṭia tāsu jībha jō basāī. śravana mūdi na ta calia parāī..
jagadātamā mahēsu purārī. jagata janaka saba kē hitakārī..
pitā maṃdamati niṃdata tēhī. daccha sukra saṃbhava yaha dēhī..
tajihauom turata dēha tēhi hētū. ura dhari caṃdramauli bṛṣakētū..
asa kahi jōga agini tanu jārā. bhayau sakala makha hāhākārā..

8.1.63

चौपाई
pitā bhavana jaba gaī bhavānī. daccha trāsa kāhuom na sanamānī..
sādara bhalēhiṃ milī ēka mātā. bhaginīṃ milīṃ bahuta musukātā..
daccha na kachu pūchī kusalātā. satihi bilōki jarē saba gātā..
satīṃ jāi dēkhēu taba jāgā. katahuom na dīkha saṃbhu kara bhāgā..
taba cita caḍhaēu jō saṃkara kahēū. prabhu apamānu samujhi ura dahēū..
pāchila dukhu na hṛdayaom asa byāpā. jasa yaha bhayau mahā paritāpā..
jadyapi jaga dāruna dukha nānā. saba tēṃ kaṭhina jāti avamānā..

8.1.61

चौपाई
kiṃnara nāga siddha gaṃdharbā. badhunha samēta calē sura sarbā..
biṣnu biraṃci mahēsu bihāī. calē sakala sura jāna banāī..
satīṃ bilōkē byōma bimānā. jāta calē suṃdara bidhi nānā..
sura suṃdarī karahiṃ kala gānā. sunata śravana chūṭahiṃ muni dhyānā..
pūchēu taba sivaom kahēu bakhānī. pitā jagya suni kachu haraṣānī..
jauṃ mahēsu mōhi āyasu dēhīṃ. kucha dina jāi rahauṃ misa ēhīṃ..
pati parityāga hṛdaya dukhu bhārī. kahai na nija aparādha bicārī..
bōlī satī manōhara bānī. bhaya saṃkōca prēma rasa sānī..

8.1.60

चौपाई
ēhi bidhi dukhita prajēsakumārī. akathanīya dāruna dukhu bhārī..
bītēṃ saṃbata sahasa satāsī. tajī samādhi saṃbhu abināsī..
rāma nāma siva sumirana lāgē. jānēu satīṃ jagatapati jāgē..
jāi saṃbhu pada baṃdanu kīnhī. sanamukha saṃkara āsanu dīnhā..
lagē kahana harikathā rasālā. daccha prajēsa bhaē tēhi kālā..
dēkhā bidhi bicāri saba lāyaka. dacchahi kīnha prajāpati nāyaka..
baḍa adhikāra daccha jaba pāvā. ati abhimānu hṛdayaom taba āvā..
nahiṃ kōu asa janamā jaga māhīṃ. prabhutā pāi jāhi mada nāhīṃ..

8.1.59

चौपाई
nita nava sōcu satīṃ ura bhārā. kaba jaihauom dukha sāgara pārā..
maiṃ jō kīnha raghupati apamānā. punipati bacanu mṛṣā kari jānā..
sō phalu mōhi bidhātāom dīnhā. jō kachu ucita rahā sōi kīnhā..
aba bidhi asa būjhia nahi tōhī. saṃkara bimukha jiāvasi mōhī..
kahi na jāī kachu hṛdaya galānī. mana mahuom rāmāhi sumira sayānī..
jau prabhu dīnadayālu kahāvā. āratī harana bēda jasu gāvā..
tau maiṃ binaya karauom kara jōrī. chūṭau bēgi dēha yaha mōrī..

8.1.58

चौपाई
hṛdayaom sōcu samujhata nija karanī. ciṃtā amita jāi nahi baranī..
kṛpāsiṃdhu siva parama agādhā. pragaṭa na kahēu mōra aparādhā..
saṃkara rukha avalōki bhavānī. prabhu mōhi tajēu hṛdayaom akulānī..
nija agha samujhi na kachu kahi jāī. tapai avāom iva ura adhikāī..
satihi sasōca jāni bṛṣakētū. kahīṃ kathā suṃdara sukha hētū..
baranata paṃtha bibidha itihāsā. bisvanātha pahuomcē kailāsā..
tahaom puni saṃbhu samujhi pana āpana. baiṭhē baṭa tara kari kamalāsana..

8.1.57

चौपाई
taba saṃkara prabhu pada siru nāvā. sumirata rāmu hṛdayaom asa āvā..
ēhiṃ tana satihi bhēṭa mōhi nāhīṃ. siva saṃkalpu kīnha mana māhīṃ..
asa bicāri saṃkaru matidhīrā. calē bhavana sumirata raghubīrā..
calata gagana bhai girā suhāī. jaya mahēsa bhali bhagati dṛḍhaāī..
asa pana tumha binu karai kō ānā. rāmabhagata samaratha bhagavānā..
suni nabhagirā satī ura sōcā. pūchā sivahi samēta sakōcā..
kīnha kavana pana kahahu kṛpālā. satyadhāma prabhu dīnadayālā..

Ramcharitmanas

roman