चौपाई
sira bhuja bāḍhai dēkhi ripu kērī. bhālu kapinha risa bhaī ghanērī..
marata na mūḍha kaṭēu bhuja sīsā. dhāē kōpi bhālu bhaṭa kīsā..
bālitanaya māruti nala nīlā. bānararāja dubida balasīlā..
biṭapa mahīdhara karahiṃ prahārā. sōi giri taru gahi kapinha sō mārā..
ēka nakhanhi ripu bapuṣa bidārī. bhaagi calahiṃ ēka lātanha mārī..
taba nala nīla siranhi caḍhai gayaū. nakhanhi lilāra bidārata bhayaū..
rudhira dēkhi biṣāda ura bhārī. tinhahi dharana kahuom bhujā pasārī..
gahē na jāhiṃ karanhi para phirahīṃ. janu juga madhupa kamala bana carahīṃ..
kōpi kūdi dvau dharēsi bahōrī. mahi paṭakata bhajē bhujā marōrī..
puni sakōpa dasa dhanu kara līnhē. saranhi māri ghāyala kapi kīnhē..
hanumadādi muruchita kari baṃdara. pāi pradōṣa haraṣa dasakaṃdhara..
muruchita dēkhi sakala kapi bīrā. jāmavaṃta dhāyau ranadhīrā..
saṃga bhālu bhūdhara taru dhārī. mārana lagē pacāri pacārī..
bhayau kruddha rāvana balavānā. gahi pada mahi paṭakai bhaṭa nānā..
dēkhi bhālupati nija dala ghātā. kōpi mājha ura mārēsi lātā..

छंद
ura lāta ghāta pracaṃḍa lāgata bikala ratha tē mahi parā.
gahi bhālu bīsahuom kara manahuom kamalanhi basē nisi madhukarā..
muruchita bilōki bahōri pada hati bhālupati prabhu pahiṃ gayau.
nisi jāni syaṃdana ghāli tēhi taba sūta jatanu karata bhayō..

दोहा/सोरठा
muruchā bigata bhālu kapi saba āē prabhu pāsa.
nisicara sakala rāvanahi ghēri rahē ati trāsa..98..