चौपाई
prabhu bilōki muni mana anurāgā. turata dibya siṃghāsana māgā..
rabi sama tēja sō barani na jāī. baiṭhē rāma dvijanha siru nāī..
janakasutā samēta raghurāī. pēkhi praharaṣē muni samudāī..
bēda maṃtra taba dvijanha ucārē. nabha sura muni jaya jayati pukārē..
prathama tilaka basiṣṭa muni kīnhā. puni saba bipranha āyasu dīnhā..
suta bilōki haraṣīṃ mahatārī. bāra bāra āratī utārī..
bipranha dāna bibidha bidhi dīnhē. jācaka sakala ajācaka kīnhē..
siṃghāsana para tribhuana sāī. dēkhi suranha duṃdubhīṃ bajāīṃ..

छंद
nabha duṃdubhīṃ bājahiṃ bipula gaṃdharba kiṃnara gāvahīṃ.
nācahiṃ apacharā bṛṃda paramānaṃda sura muni pāvahīṃ..
bharatādi anuja bibhīṣanāṃgada hanumadādi samēta tē.
gahēṃ chatra cāmara byajana dhanu asi carma sakti birājatē..1..
śrī sahita dinakara baṃsa būṣana kāma bahu chabi sōhaī.
nava aṃbudhara bara gāta aṃbara pīta sura mana mōhaī..
mukuṭāṃgadādi bicitra bhūṣana aṃga aṃganhi prati sajē.
aṃbhōja nayana bisāla ura bhuja dhanya nara nirakhaṃti jē..2..

दोहा/सोरठा
vaha sōbhā samāja sukha kahata na banai khagēsa.
baranahiṃ sārada sēṣa śruti sō rasa jāna mahēsa..12ka..
bhinna bhinna astuti kari gaē sura nija nija dhāma.
baṃdī bēṣa bēda taba āē jahaom śrīrāma.. 12kha..
prabhu sarbagya kīnha ati ādara kṛpānidhāna.
lakhēu na kāhūom marama kachu lagē karana guna gāna..12ga..